Home | Index of Poets Abdul Hameed Adam

subuu ko daur me.n laao bahaar ke din hai.n


subuu ko daur me.n laao bahaar ke din hai.n 
hame.n sharaab pilaao bahaar ke din hai.n 

ye kaam aa_iin-e-ibaadat hai mausam-e-gul me.n 
hame.n gale se lagao bahaar ke din hai.n 

Thahar Thahar ke na baraso uma.D pa.Do yak dam  
sitam_garii se ghaTaao bahaar ke din hai.n 

shikastaa-e-taubaa kaa kab aisaa aayegaa mausam 
"Adam" ko gher ke laao bahaar ke din hai.n 

Home | Index of Poets Abdul Hameed Adam
Maintained by Nita Awatramani
URL: http://www.urdupoetry.com
Last updated on: 24th March, 2001