Home | Index of Poets Amjad Islam Amjad

yahii bahut hai ke dil us ko Dhuu.ND laayaa hai


yahii bahut hai ke dil us ko Dhuu.ND laayaa hai 
kisii ke saath sahii vo nazar to aayaa hai

karuu.N shikaayate.n takataa rahuu.N ke pyaar karuu.N 
gaye bahaar kii suurat vo lauT aayaa hai

vo saamane thaa magar ye yaqii.n na aataa thaa 
vo aap hai ke merii Khvaahisho.n kaa saayaa hai

azaab huup ke kaise hai.n baarishe.n kyaa hai.n 
fasiil-e-jism girii jab to hosh aayaa hai

mai.n kyaa karuu.Ngaa agar vo na mil sakaa 'Amjad' 
abhii abhii mere dil me.n Khayaal aayaa hai

Home | Index of Poets Amjad Islam Amjad
Maintained by Nita Awatramani
URL: http://www.urdupoetry.com
Last updated on: 14th July, 2001