Ashaar #004 - 'duaa/asar'

Date: 26-Mar-2000
Topic: 'duaa and/or asar'

The topic for the forthcoming week is 'dil'. The deadline for 
sending your contribution is Friday, 7th of April. Please do 
NOT send in your original work. This is NOT the right forum 
for this.

A big thank you to Deepak and Abhay who sent in a large number 
of ashaar, covering most of what I had. I hope you all will 
enjoy the selection.

Contributed by Deepak Purohit

vo jaate hai.n aatii hai qayaamat kii sahar aaj
rotaa hai duaao.n se gale milake asar aaj
[Daag Dehlvi]

hotii nahii.n qubuul duaa tark-e-ishq kii 
dil chaahataa na ho to duaa me.n asar kahaa.N
[Altaf Husain Hali]

[tark = give up]

maa.Ngaa kare.nge ab se duaa hijr-e-yaar kii
aaKhir ko dushmanii hai duaa ko asar ke saath
[Momin]

[hijr = separation]

sunate hai.n ki mil jaatii hai har chiiz duaa se
ek roz tumhe.n maa.Ng ke dekhe.nge Khudaa se
[Rana Akbarabadi]

sab kuchh Khudaa se maa.Ng liyaa tujh ko maa.Ng kar
uThate nahii.n hai.n haath mere is duaa ke baad
[Aga Hashr]

maa.Nge.nge ab duaa ki use bhuul jaaye.n ham
lekin jo vo baavaqt-e-duaa yaad aa gayaa
[Khumaar Barabankvi]

[baavaqt = at the time of]

Contributed by Abhay Ghaisas

mujh ko ye aitaraaf duaao.n me.n hai asar
jaae.n na arsh par jo duaae.n to kyaa kare.n
[Akhtar Sheerani]

[aitaraaf = admission/confession; arsh = sky/seventh heaven]

aaKhir ko_ii umiid-e-asar bhii duaa ke baad
kuchh aap bhii kahe.n merii iltijaa ke baad
[Fani Badayuni]

is kaa gilaa nahii.n ki duaa be-asar ga_ii
ik aah kii thii vo bhii kahii.n jaa ke mar ga_ii
[Tilokchand Mehroom]

hatheliyo.n kii duaa phuul le ke aa_ii ho
kabhii to ra.ng mere haath kaa hinaa_ii ho
[Parveen Shaakir]

yuu.N tujh ko iKhtiyaar hai, taasiir de na de
dast-e-duaa ham aaj uThaae.n hue to hai.n
[Majaz]

[iKhtiyaar = control; taasiir = effect; dast = hands]

arsh se ho ke jo maayuus duaae.n aa_ii.n
mai.n ye samajhaa ki mere ghar me.n balaae.n aa_ii.n
[Jigar Moradabadi]

[arsh = ; maayuus = disappointed]

marane kii duaae.n kyo.n maa.Nguu, jiine kii tamannaa kaun kare
ye duniyaa ho yaa vo duniyaa, ab Khvaahish-e-duniyaa kaun kare
[Moin Ahasan Jazbi]

[Khvaahish = desire]

kiijiye aur ko_ii zulm agar zid hai yahii.n
liijiye, aur merii lab pe duaae.n aa_ii.n
[Jigar Moradabadi]


Some more ashaar on 'duaa':

marzii-e-yaar ke Khilaaf na ho
log mere liye duaa na kare.n
[Hasrat Mohani]

[marzii = consent; Khilaaf = oppose]

lamhaat-e-yaad-e-yaar ko sarf-e-duaa na kar
aate hai.n zi.ndagii me.n ye aalam kabhii kabhii
[Shakeel Badayuni]

[lamhaat-e-yaad-e-yaar = moment spent in remembering one's beloved]
[sarf-e-duaa = waste in prayer; aalam = situation]

ik terii tamannaa ne kuchh aisaa navaazaa hai
maa.Ngi hii nahii.n jaatii ab ko_ii duaa ham se
[Ejaz Kamravi]

tum salaamat raho hazaar baras
har baras ke din ho pachaas hazaar
[Mirza Ghalib]