Ashaar #025 - 'qaasid'

Date: 10-Nov-2000
Topic: 'qaasid'

'qaasid' in Urdu poetry is also known as 'naamaabar' and less 
often as 'payaamii'. I have not included ashaar on 'naamaabar' 
or 'payaamii' in this edition of Ashaar since 'naamaa' and 
'naamaabar' form the topic for a forthcoming issue of Ashaar.

A few people wanted me to acknowledge their names even if someone 
else has sent in the sher before them. I have done so but I would 
like to point out that Ashaar is not a competition about who knows 
how many ashaar on the given topic. The purpose of the list is to 
share and enjoy the various ashaar and see what different poets have 
to say about it and how they have said it.

The topic for next week is 'bevafaa/bevafaa_ii'. The deadline for 
sending in your favourite ashaar is November 20th. You can e-mail 
them to ashaar@b... or use the online form at 
http://www.ashaar.net/contact.html



The most quoted sher on 'qaasid' was this sher by Mirza Ghalib:

Contributed by Ibrahim Taj:
--------------------------

qaasid ke aate aate Khat ik aur likh rakhuu.N
mai.n jaanataa huu.N jo vo likhenge javaab me.n
[Mirza Ghalib]

Also sent in by Abhimanyu Bhola, Shobhana Ahluwalia, 
Avinash Sohal, Deepak Purohit, Abhay Ghaisas


Contributed by Karandeep Singh: 
------------------------------

aatii hai baat baat mujhe baar baar yaad
kahataa huu.N dau.D dau.D ke qaasid se raah me.n
[Daag Dehlvi]

Also sent by Deepak Purohit


Contributed by Suhel Khan: 
-------------------------

qaasid tuu hii bataa tuune to dekhe ho.nge
vo Khat kaise hote hai jin ke javaab aate hai.n


Contributed by Abhimanyu Bhola: 
------------------------------

ye qaasid hii jaane hai jo hai apanaa haal-e-dil
jo tujhe ye ilm hotaa to ye haal hii na hotaa
[Unknown]


Contributed by Devraj Singh: 
---------------------------

vo kab sunane lage qaasid magar yuu.N hii sunaa denaa
milaa kar duusaro.n kii daastaa.N me.n daastaa.N merii
[Unknown]



Contributed by Yasin: 
--------------------

phirataa hai mere dil me.n ko_ii harf-e-mudda'a
qaasid se kah do aur na jaaye zaraa sii der
[Daag Dehlvi]


Contributed by Avinash Sohal: 
----------------------------

o qaasid jab tuu jaaye mere dildaar ke aage
adab se sar jhukaanaa husn ki sarakaar ke aage
gar muu.Nh se na kah paaye to aa.Nkho.n se bayaa.N karanaa
mere Gam kaa har ek qissaa mere Gam-Khvaar ke aage
[Unknown] 



Contributed by Deepak Purohit: 
-----------------------------

ta-ammul to thaa un ko aane me.n qaasid
magar ye bataa tarz-e-inkaar kyaa thii
[Iqbal]

qaasid payaam-e-shauq ko denaa bahut na tuul
kahanaa faqat ye un se ki aa.Nkhe.n taras ga_ii.n
[Jaleel Manakpuri]

qaasid hai tu Khudaa kaa agar chiTThiyaa.N hii baa.NT
un chiTThiyo.n pe tuu likhaa apanaa pataa na dekh
[Surendra Chaturvedi]

qaasid chalaa to hai Khabar-e-yaar ke liye
itanaa rahe Khayaal ki aa.Nkho.n me.n jaan hai
[Unknown]

ek muddat se na qaasid hai na Khat hai na payaam
apane vaade ko tuu kar yaad mujhe yaad na kar
[Jaleel Manikpuri]

Khat ke purze aaye hai.n qaasid ka sar tasviir-e-Gair
ye hai bhejaa us sitamgar ne mere Khat kaa javaab
[Unknown]

kyaa jaane likh diyaa kyaa use izteraab me.n
qaasid kii laash aa_ii hai Khat ke javaab me.n
[Momin]

tu dekh rahaa hai, jo meraa haal hai qaasid
mujh ko yahii kahanaa hai mai.n kuchh nahii.n kahataa
[Kaif Dehalvi]

qayaamat hai ye kah kar us ne lauTaayaa hai qaasid ko
ki un kaa to har ik Khat aaKhirii paiGaam hotaa hai
[Sheri Bhopali]

kyaa mere haal pe sach-much unhe.n Gam thaa qaasid
tuu ne dekhaa thaa sitaaraa-e-mizGaan ko_ii
[Unknown]

qaasid aayaa hai vahaa.N se to zaraa tham to sahii
baat to karane de us se dil-e-betaab mujhe
[Unknown]

un ke dar tak pahu.Nch gayaa qaasid
aage taqadiir kii rasaa_ii hai
[Daag Dehlvi]

[rasaa_ii = reach]

ko_ii naam-o-nishaa.N puuchhe to ai qaasid bataa denaa
taKhallus "Daag" hai aur aashiqo.n ke dil me.n rahate hai.n
[Daag Dehlvi]

[taKhallus = pen-name]

Also sent by Abhay Ghaisas



Contributed by Abhay Ghaisas: 
----------------------------

vo bad Khuu aur merii daastan-e-ishq tuulaaniii
ibaarat muKhtasar qaasid bhii ghabaraa jaaye hai mujh se
[Mirza Ghalib]

[tuulaanii = long; ibaarat = composition; muKhtasar = short]

ashko.n ke nishaa.n parchaa-e-saadaa pe hai.n qaasid
ab kuchh na bayaa.N kar ye ibaarat hii bahut hai
[Ehsan Ali Khan]

[parchaa-e-saadaa = blank paper; ibaarat = composition]

qaasid ke hosh gum the ye turfaa maajaraa thaa
kahataa thaa kuchh zabaanii aur Khat me.n kuchh likhaa thaa
[Zaki]

[turfaa = strange; maajaraa = affair/event]

Gair ke dhoke me.n Khat le ke meraa qaasid se
pa.Dhane ko pa.Dh to liyaa magar naam chho.D diyaa
[Nizam Rampuri]

vo aur vaadaa vasl kaa qaasid nahii.n nahii.n
sach sach bataa ye lafz unhii.n kii zabaa.N ke hai.n
[Amir Meenai]

qaasid kii guftaguu se tasallii ho kis tarah
chhipatii nahii.n vo jo terii zabaa.n kii hai
[DaaG Dehlvi]

pahu.Nche na vahaa.N tak ye duaa maa.Ng rahaa huu.N
qaasid ko udhar bhej ke dhyaan aaye hai kyaa kyaa
[Mir Zamin Ali Jalal]