Ashaar #036 - 'tasavvur'

Date: 09-Jul-2001
Topic: 'tasavvur'

-----------------------------------------------------------
In This Issue:

I. Contributions from Ashaar members:
	- Soumya Rao
	- Avinash
	- Irfan Alvi
	- Waqas
	- Farooq
	- Sunil Goswami
	- Pramod Shersia
	
II. Some notable ashaar on 'tasavvur' from our collection

III. Topic for the next issue, deadlines and other fun stuff :-)

-----------------------------------------------------------


jii Dhuu.NDataa hai phir vahii fursat ke raat din
baiThe rahe.n tasavvur-e-jaanaa.N kiye hue
- Mirza Ghalib

Undoubtedly, the most common object of 'tasavvur' 
in Urdu poetry is 'jaanaa.N' - one's beloved. Let's 
see where a poet's imagination can take him and 
what occupies his thoughts.
 

I. Contributions from Ashaar members:

Contributed by Soumya Rao:
-------------------------
shaam se un ke tasavvur kaa nashaa thaa itanaa
niind aa_ii hai to aa.Nkho.n ne buraa maanaa hai
[Unknown]


Contributed by Avinash:
----------------------

ye hangaamaa-e-tajdiid-e-vaa 
merii afsurdaa javaanii ko raas nahii.n
mai.n ne jo phuul chune the tere qadamo.n ke liye
un kaa dhundhalaa saa tasavvur bhii mere paas nahii.n
[Sahir Ludhianvi]


Contributed by Irfan Alvi:
--------------------------

ta.Dape.nge terii yaad me.n ghabaraaye.nge tanhaa
ai dost kisii taur na jii paaye.nge tanhaa
jiine kaa akele to tasavvur bhii nahii.n hai
ham tujh se judaa ho.nge to mar jaaye.nge tanhaa
[Irfan 'Abid']


Contributed by Waqas:
--------------------

thii ek shaKhs ke tasavvur se
ab vo raanaa_ii-e-Khayaal kahaa.N
[Mirza Ghalib]


Contributed by Farooq:
---------------------

yuu.N barasatii hai.n tasavvur me.n puraanii yaade.n
jaise barasaat me.n rim_jhim me.n samaa.N hotaa hai
[Qateel Shifai]


Contributed by Sunil Goswami:
----------------------------

ham band kiye aa.Nkh tasavvur me.n pa.De hai.n
aise me.n ko_ii chham se jo aa jaaye to kyaa ho
[Riaz Khairabadi]


Contributed by Pramod Shersia:
-----------------------------

achchhaa hai sar_angusht-e-hinaa_ii kaa tasavvur
dil me.n nazar aatii to hai ek buund lahuu kii
[Mirza Ghalib]

jo bahut duur thaa aaj baaho.n me.n hai
jo tasavvur me.n thaa vo nigaaho.n me.n hai
[Unknown]

kuchh nazar nahii.n aataa un ke tasavvur ke sivaa
hasarat-e-diidaar ne aa.Nkho.n ko andhaa kar diyaa
[Unknown]

hairaa.N hue na the jo tasavvur me.n bhii kabhii
tasviir ho gaye merii tasviir dekh kar
[Unknown]

-----------------------------------------------------------

II. Some notable ashaar on 'tasavvur' from our collection


phir nazar me.n phuul lahake dil me.n phir shamaye.n jalii.n
phir tasavvur ne liyaa us bazm me.n jaane kaa naam
[Faiz Ahmed Faiz]

raat bhar un kaa tasavvur dil ko ta.Dapaataa rahaa
ek naqshaa saamane aataa rahaa jaataa raahaa
[Akhtar Shirani]

** Reminds me of this beautiful sher by Makhdoom Mohiuddin:

raat bhar diidaa-e-nam_naak me.n laharaate rahe
saa.Ns kii tarah se aap aate rahe jaate rahe **

mile.n shaam ko aasmaa.N aur zamii.n
tasavvur me.n mil le.nge ham bhii kahii.n
[Unknown]

chale jaayiye mujh se daaman bachaakar
tasavvur se bach kar kahaa.N jaayiyegaa
[Unknown]

terii yaad hai yaa teraa tasavvur
kabhii 'Daag' ko ham ne tanhaa na dekhaa
[Daag Dehlvi]

tasavvur me.n udhar vo aa rahe hai.n
ishar dil hai ki baiThaa jaa rahaa hai
[Sirajul Hasan Siraj]

tuu yaad aaye tere jaur-o-sitam phir bhii na yaad aaye
tasavvur me.n ye maasuumii ba.Dii mushkil se aatii hai 
[Firaq Gorakhpuri]

do gha.Dii dil ke bahalane kaa sahaaraa bhii gayaa
liijiye aaj tasavvur me.n bhii tanhaa_ii hai
[Manzar Lucknavi]

ai zauq-e-nazaaraa kyaa kahiye nazaro.n me.n ko_ii suurat hii nahii.n
ai zauq-e-tasavvur kyaa kiije ham suurat-e-jaanaa.N bhuul gaye
[Majaz]

tuune dekhii hai vo peshaanii vo rukhsaar vo ho.nTh
zaindagii un ke tasavvur me.n guzaarii ham ne 
[Faiz Ahmed Faiz]

un kaa zikr un kaa tasavvur un kii yaad
kaT rahii hai zindagii aaraam se
[Mahashar Badayuni]

gum niind kii aagosh me.n hone nahii.n detaa
raato.n ko tasavvur teraa sone nahii.n detaa
[Arzoo Lucknawi]

khul nahii.n sakatii hai.n ab aa.Nkhe.n merii
jii me.n ye kis kaa tasavvur aa gayaa
[Khwaja Mir Dard]

aa.Nsuu nikal rahe hai.n ban ke tasavvur me.n phuul
shaadaab ho rahaa hai gulistaan-e-aarazuu
[Akhtar Shirani]

-----------------------------------------------------------

III. Topic for the next issue, deadlines and other fun stuff :-)

shab-e-intazaar kii kashmakash na puuchh kaise sahar hu_ii
kabhii ek chiraaG jalaa diyaa kabhii ik chiraaG bujhaa diyaa
[Majrooh Sultanpuri]


Aap ke e-mails kaa 'intazaar' rahegaa :-) The deadline for
the next issue of Ashaar is July 20th, 2001. Please send 
your favourite ashaar on 'intazaar' to moderator@urdupoetry.com 

You can also use the online form at 
http://www.ashaar.net/contact.html


Some of the forthcoming topics for Ashaar are:

anga.Daa_ii
diidaar-e-yaar
cheharaa
junuu.N/diivaanagii

The themes are not given in any particular order. I would 
like to invite suggestions from Ashaar members on possible 
themes for Ashaar. You can see the previous themes at 

http://www.ashaar.net/topic.html


One request - please send ashaar for the current topic only.
Otherwise it becomes slightly difficult to have to wade 
through all the e-mails to get the ones you are looking for.

I hope you enjoyed the ashaar on 'tasavvur'. Till next time...

ham intazaar kare.nge teraa qayaamat tak
Khudaa kare ki qayaamat ho aur tuu aaye
[Sahir Ludhianvi]