mumkin nahii.n ki bazm-e-tarab phir sajaa sakuu.N

mumkin nahii.n ki bazm-e-tarab phir sajaa sakuu.N 
ab ye bhii hai bahut ki tumhe.n yaad aa sakuu.N 

[bazm-e-tarab=happy/joyous gathering]

ye kyaa tilism hai ki terii jalvaagaah se 
nazadiik aa sakuu.N na kahii.n duur jaa sakuu.N 

[tilism=magic; jalvaa=to appear; gaah=place] 

zauq-e-nigaah aur bahaaro.n ke darmiyaa.N 
parde gire hai.n vo ki na jin ko uThaa sakuu.N 

[zauq=tasteful] 

kis tarah kar sako bahaaro.n ko mutama_in 
ahal-e-chaman jo mai.n bhii chaman me.n na saakuu.N 

[mutama_in=satisfied; ahal-e-chaman=residents of the garden] 

terii hasii.n fizaa me.n mere ai naye vatan 
aisaa bhii hai ko_ii jise apanaa banaa sakuu.N 

[fizaa=environment] 

'Azad' saaz-e-dil pe hai.n raqsaa.N ke zam-zame 
Khud sun sakuu.N magar na kisii ko sunaa sakuu.N 

[raqsaa.N=dance; zam-zame=tremors]