Ahmed Faraz

Home | Index of Poets Ghazal-o-Nazm

Contributed by Abida Sultana
karuu.N na yaad magar kis tarah bhulaa_uu.N use 
Gazal bahaanaa karuu.N aur gun_gunaa_uu.N use 

Contributed by Fayaz Razvi
ham duharii aziiyat ke giraftaar musaafir 
paao.n bhii hai.n shaal shauq-e-safar bhii nahii.n jaataa 

[shaal=fatigued] 

Contributed by Fayaz Razvi
aa ke ab tasliim kar le.n tuu nahii.n to mai.n sahii 
kaun maanegaa ke ham me.n bevafaa ko_ii nahii.n 

Contributed by Fayaz Razvi
is qadar musal-sal thii.n shiddate.n judaa_ii kii 
aaj pahale baar us se mai.n ne bevafaa_ii kii 

phir qafas me.n shor uTThaa qaidiyo.n kaa aur sayyaad 
dekhanaa u.Daa degaa phir Khabar rihaa_ii kii 

Contributed by Fayaz Razvi
udaasiyaa.N ho.n musal-sal to dil nahii.n rotaa 
kabhii kabhii ho to ye kaifiyat bhii pyaarii lage 

bazaahir ek hii shab hai firaaq-e-yaar magar 
ko_ii guzaarane baiThe to umr saarii lage 

Contributed by Fayaz Razvi
ab mere duusare baazuu pe vo shamshiir hai jo 
is se pahale meraa nisf badan kaaT chukii
usii ba.nduuk kii golii hai merii simt ke jo 
is se pahale merii shah-e-rag kaa lahuu chaaT chukii 

dost ahabaab to rah rah ke gale milate hai.n 
kis ne Khanjar mere siine me.n utaaraa jaane 

jo bhii milataa hai hamii.n se vo gilaa karataa hai 
ko_ii to suurat-e-haalaat Khudaaraa jaane 

tujh se ba.Dh kar ko_ii nadaa.N nahii.n hogaa 'Faraz' 
dushman-e-jaa.N ko bhii tuu jaan se pyaaraa jaane 

huaa hai tujh se bichha.Dane ke baad ye maaluum
ke tu nahii.n thaa tere saath ek duniyaa thii

Home | Index of Poets Ghazal-o-Nazm
Maintained by Nita Awatramani
URL: http://www.urdupoetry.com
Last updated on: 24th April, 2001