Home | Index of Poets Farhat Shehzad

Khulii jo aa.Nkh to vo thaa na vo zamaanaa thaa


Khulii jo aa.Nkh to vo thaa na vo zamaanaa thaa
dahakatii aag thii tanhaa_ii thii fasaanaa thaa 

Gamo.n ne baa.NT liyaa mujhe yuu.N aapas me.n
ke jaise mai.n ko_ii luuTaa huaa Khazaanaa thaa 

ye kyaa ke cha.nd hii qadamo.n pe thak ke baiTh gaye 
tumhe.n to saath meraa duur tak nibhaanaa thaa 

mujhe jo mere lahuu me.n Dubo ke guzaraa hai
vo ko_ii Gair nahii.n yaar ek puraanaa thaa 

Khud apane haath se "Shahzad" us ko kaaT diyaa 
ke jis daraKht ke Tahanii pe aashiyaanaa thaa 

Contributed by Faizan Ahmed

Home | Index of Poets Farhat Shehzad
Maintained by Nita Awatramani
URL: http://www.urdupoetry.com
Last updated on: 16th October, 2001