Home | Index of Poets Firaq Gorakhpuri

kabhii paabandiyo.n se chhuuT ke bhii dam ghuTane lagataa hai


kabhii paabandiyo.n se chhuuT ke bhii dam ghuTane lagataa hai 
dar-o-diivaar ho jin me.n vahii zi.ndaa.N nahii.n hotaa 

hamaaraa ye tajurbaa ki Khush honaa muhabbat me.n 
kabhii mushkil nahii.n hotaa, kabhii aasaa.N nahii.n hotaa 

bajaa hai zabt bhii lekin muhabbat me.n kabhii ro le 
dabaane ke liye har dard o naadaa.N nahii.n hotaa 

yaqii.n laaye.N to kyaa laaye.N jo shak laaye.N to kyaa laaye.N 
ki baato.n se trii sach-jhuuTh kaa imkaa.N nahii.n hotaa 

Home | Index of Poets Firaq Gorakhpuri
Maintained by Nita Awatramani
URL: http://www.urdupoetry.com
Last updated on: 16th October, 2001