Home | Index of Poets Surender Malik Gumnam

kaa.NTo.n kii chubhan pa_ii phuulo.n kaa mazaa bhii


kaa.NTo.n kii chubhan pa_ii phuulo.n kaa mazaa bhii 
dil dard ke mausam me.n royaa bhii ha.Nsaa bhii 

aane kaa sabab yaad na jaane kii Khabar hai 
vo dil me.n rahaa aur use to.D gayaa bhii 

har ek se manzil kaa pataa puuchh rahaa hai 
gum_raah mere saath huaa rah_numaa bhii 

'Gumnaam' kabhii apano.n se jo Gam huye haasil 
kuchh yaad rahe un me.n kuchh bhuul gayaa bhii 

Home | Index of Poets Surender Malik Gumnam
Maintained by Nita Awatramani
URL: http://www.urdupoetry.com
Last updated on: 19th July, 2003