Home | Index of Poets Shan ul Haq Haqi

tum se ulfat ke taqaaze na nibaahe jaate


tum se ulfat ke taqaaze na nibaahe jaate
varnaa ham ko bhii tamannaa thii ke chaahe jaate

[taqaaze = demands]

dil ke maaro kaa na kar Gam ki ye andoh_nasiib
zaKhm bhii dil me.n na hotaa to karaahe jaate

[andoh_nasiib = unfortunate (people)]

dii na mohalat hame.n hastii ne vafaa kii varnaa
aur kuchh din Gam-e-hastii se nibaahe jaate

[mohalat = time; hastii = life]

Home | Index of Poets Shan ul Haq Haqi
Maintained by Nita Awatramani
URL: http://www.urdupoetry.com
Last updated on: 9th July, 2002