Home | Index of Poets Iftikhar Imam Siddiqui

vo na duur hai na qariib hai


vo na duur hai na qariib hai
ye jo hijr hai ye nasiib hai

jo visaal thaa vo to Khvaab thaa
ye Khayaal kitanaa ajiib hai

vahii aa.Nsuo.n me.n duaao.n me.n
vahii dukh sukh me.n qariib hai

jo mai.n sochataa huu.N kah sakuu.N
meraa harf harf raqiib hai

ye falak zamiin ko sameT le
meraa dil bhii kitanaa Gariib hai

Contributed by Sunil Beriwal

Home | Index of Poets Iftikhar Imam Siddiqui
Maintained by Nita Awatramani
URL: http://www.urdupoetry.com
Last updated on: 22nd February, 2003