Home | Index of Poets Jigar Moradabadi

duniyaaa ke sitam yaad na apanii hi vafaa yaad


duniyaaa ke sitam yaad na apanii hi vafaa yaad 
ab mujh ko nahii.n kuchh bhii muhabbat ke sivaa yaad 

mai.n shikvaa_ba_lab thaa mujhe ye bhii na rahaa yaad 
shaayad ke mere bhuulanevaale ne kiyaa yaad 

jab ko_ii hasii.n hotaa hai sargarm-e-navaazish 
us vaqt vo kuchh aur bhii aate hai.n sivaa yaad 

muddat hu_ii ik haadasaa-e-ishq ko lekin 
ab tak hai tere dil ke dha.Dakane kii sadaa yaad 

haa.N haa.N tujhe kyaa kaam mere shiddat-e-Gam se 
haa.N haa.N nahii.n mujh ko tere daaman kii havaa yaad 

mai.n tark-e-rah-o-rasm-e-junuu.N kar hii chukaa thaa 
kyuu.N aa ga_ii aise me.n terii lagazish-e-paa yaad 

[lagazish-e-paa=trembling of the feet] 

kyaa lutf ki mai.n apanaa pataa aap bataauu.N 
kiije ko_ii bhuulii hu_ii Khaas apanii adaa yaad 

Home | Index of Poets Jigar Moradabadi
Maintained by Nita Awatramani
URL: http://www.urdupoetry.com
Last updated on: 25th February, 2003