baraabar se bachakar guzar jaane vaale
Jigar Moradabadi
baraabar se bachakar guzar jaane vaale
ye naale nahii.n be-asar jaane vaale
[naale=sighs]
muhabbat me.n ham to jiye hai.n jiye.nge
vo ho.nge ko_ii aur mar jaane vaale
mere dil kii betaabiyaa.N bhii liye jaa
dabe paao.n muu.Nh pher kar jaane vaale
nahii.n jaanate kuchh ki jaanaa kahaa.N hai
chale jaa rahe hai.n magar jaane vaale
tere ik ishaare pe saakit kha.De hai.n
nahii.n kah ke sab se guzar jaane vaale