haa.N kis ko hai mayassar ye kaam kar guzaranaa

haa.N kis ko hai mayassar ye kaam kar guzaranaa
ik baa.Nkpan se jiinaa ik baa.Nkpan se maranaa

[mayassar = available; baa.Nkpan = jauntiness]

dariyaa kii zindagii par sadqe hazaar jaane
mujh ko nahii.n gavaaraa saahil kii maut maranaa

saahil ke lab se puuchho dariyaa ke dil se puuchho
ik mauj-e-tah-nashii.n kaa muddat ke baad ubharanaa

[mauj-e-tah-nashii.n = wave that was sitting at the bottom]

jo ziist ko na samajhe jo maut ko na jaane
jiinaa unhii.n kaa jiinaa maranaa unhii.n kaa maranaa

[ziist = life]