Ibaadat
Josh Malihabadi

ibaadat karate hai.n jo log jannat kii tamannaa me.n
ibaadat to nahii.n hai ik tarah kii vo tijaarat hai

[ibaadat=prayer; jannat=heaven; tijaarat=trade]

jo Dar ke naar-e-dozaKh se Khudaa kaa naam lete hai.n
ibaadat kyaa vo Khaalii buzadilaanaa ek Khidamat hai

[naar-e-dozaKh=fires of hell; buzadilaanaa=cowardly; Khidamat=service]

magar jab shukr-e-ne'mat me.n jabii.n jhukatii hai bande kii
vo sachchii bandagii hai ik shariifaanaa ita'at hai

[shukr-e-ne'mat=thanks for blessings; jabii.n=forehead; ita'at=submission]

kuchal de hasarato.n ko beniyaaz-e-mudd'a ho jaa
Khudii ko jhaa.D de daaman se mard-e-baaKhudaa ho jaa

[beniyaaz-e-mudd'a=oblivious of one's goals; Khudii=self/ego]
[mard-e-baaaKhuda=man/servant of God]

uThaa letii hai.n lahare.n tahanashii.n hotaa hai jab ko_ii
ubharanaa hai to Garq-e-bahr-e-fanaa ho jaa

[tahanashii.n=submerged; Garq-e-bahr-e-fanaa=drowned in the waves of the sea of mortality]

Home | Index of Poets


Last updated on 9th January, 2000