Home | Index of Poets Majaz Lucknawi

dil-e-Khuu.N_gashtaa-e-jafaa pe kahii.n


dil-e-Khuu.N_gashtaa-e-jafaa pe kahii.n
ab karam bhii giraa.N na ho jaaye

tere biimaar kaa Khudaa haafiz
nazr-e-chaaraagaraa.N na ho jaaye

ishq kyaa kyaa n aafate.n Dhaaye
husn gar mahar_baa.N na ho jaaye

mai ke aage Gamo.n kaa koh-e-giraa.N
ek pal me.n dhuaa.N na ho jaaye

phir 'Majaz' in dino.n ye Khataraa hai
dil halaak-e-butaa.N na ho jaaye

Contributed by Abhay Ghasias

Home | Index of Poets Majaz Lucknawi
Maintained by Nita Awatramani
URL: http://www.urdupoetry.com
Last updated on: 1st September, 2002