hastii apanii hubaab kii sii hai
Meer Taqi Meer
hastii apanii hubaab kii sii hai
ye numaaish saraab kii sii hai
[hubaab=bubble; saraab=illusion, mirage]
naazukii us ke lab kii kyaa kahiye
pa.nkha.Dii ik gulaab kii sii hai
baar baar us ke dar pe jaataa huu.N
haalaat ab iztiraab kii sii hai
[iztiraab=anxiety]
mai.n jo bolaa kahaa ke ye aawaaz
usii Khaaana-Kharaab kii sii hai
'Meer' un niim-baaz aa.Nkho.n me.n
saarii mastii sharaab kii sii hai
[niim-baaz=half open]