baat kyaa aadamii kii ban aaii
Meer Taqi Meer
baat kyaa aadamii kii ban aaii
aasmaa.N se zamiin napavaaii
charakh zan usake vaaste hai madaam
ho gayaa din tamaam raat aaii
maah-o-Khurshiid-o-baad sabhii
usakii Khaatir hue hai.n saudaaii
kaise kaise kiye taraddad jab
rang rang usako chiiz pahu.Nchaaii
usako tarajah sab ke upar de
lutf-e-Haq ne kii izzat afazaaii
hairat aatii hai usakii baate.n dekh
Khud saarii Khud sataaii Khud raaii
shukr ke sajdo.n me.n ye vaajib thaa
ye bhii karataa sajdaa jabii.n saaii
so to usakii tabiiyat-e-sarkash
sar na laaii faro ke tuk laaii
'Meer' naa chiiz musht-e-Khaak Allaah
un ne ye kibariyaa kahaa.N paaii