Contributed by Sarfaraz

daaman ulfat kaa ab liyaa hai mai.n ne
dil marg se aashnaa kiyaa hai mai.n ne

thaa chashmaa-aab-e-zndaganii nazadiik
par Khaak se us ko bhar liyaa hai mai.n ne

Contributed by Sarfaraz

duniyaa me.n ba.Daa rog jo hi ulfat hai
dil aa gayaa hai jaise bhii ye zahamat hai

kehataa thaa ki "Meer" baavafaa ham ko na jaan
kii Khuub vafaa tum ne tumhe.n rahamat hai

Contributed by Sarfaraz

tum to ai meharbaa.N anuThaa_ii nikale
jab aan ke paas baiThe to ruThaa_ii nikale

kyaa kahiye vafaa ek bhii vaadaa na kiyaa
sach ye hai ki tum bahut hii jhuTaa_ii nikale

Contributed by Sarfaraz

yaaro.n ko kudrat hai ab to ham se
jis roz ki ham jaayenge is aalam se

us roz khule.nge saaf sab par ye baat
is bazm kii raunaq thii hamaare dam se

yaa rab! ko_ii ho ishq kaa biimaar, na hove! 
mar jaaye vale, us ko ye aazaar na hove! 
zi.ndaa.N me.n pha.Nse, tauq pare, qaid me.n mar jaaye 
par daam-e-muhabbat me.n giraftaar na hove! 

O Lord! May none fall prey to the illness that is love 
Let him die, but not get this plague of the heart 
Let him be caged, hanged, may he die in prison 
But let him not be caught in the noose of love! 

jin jin ko thaa ye ishq kaa aazaar mar gaye 
aksar hamaare saath ke biimaar mar gaye 

sad kaaravaan-e-vafaa hai ko_ii puuchhataa nahii.n 
goyaa mitaa-e-dil ke Kharidaar mar gaye 

kaabe sau baar vo gayaa to kyaa 
jis ne yaa.N ek dil me.n raah na kii 

dekhii thii ek roz terii mast a.nga.Daaiiaa.N 
a.nga.Daaiiaa.N se lete hai.n ab tak Khumaar me.n 

gaye jyo.n shammaa us majalis me.n jalane 
sabho.n par haal hai roshan hamaaraa 

chaman me.n ham bhii zanjiirii rahe hai.n 
sunaa hogaa kabhuu shevan hamaaraa 

vo bazm me.n aaye itanaa to 'Meer' ne dekhaa 
usake baad chiraaGo.n me.n roshanii na rahii 

ham hue, tum hue, ki 'Meer' hue 
us kii zulfo.n me.n sab asiir hue 

sunio jab vo kabhuu savaar huaa 
taa ba_ruuh_ul_amiin shikaar huaa 

dil se shauq-e-ruKh-e-nikuu na gayaa 
jhaa.Nkanaa taakanaa kabhuu na gayaa 

phuul, gul, shams-o-qamar saare hii the
par hame.n un me.n tumhii.n bhaaye bahot

'Meer' se puuchhaa jo mai.n aashiq ho tum 
ho ke kuchh chupake se sharmaaye bahut 

shaayad kisuu ke dil me.n lagii us galii me.n choT 
merii baGal me.n shiishaa-e-dil chuur ho gayaa 

mausam-e-abr ho subuu bhii ho 
gul ho gulshan ho aur tuu bhii ho 

kab tak aaiine kaa ye husn-e-qubuul 
muu.Nh teraa is taraf kabhuu bhii ho 

guftaguu reKhate me.n ham se na kar 
ye hamaarii zubaan hai pyaare 

'Meer' aamaadaa.N bhii koii marataa hai
jaan hai to jahaan hai pyaare

dil vo nagar nahii.n ke phir aabaad ho sake 
pachhataaoge suno ye bastii ujaa.D kar