Home | January '99 Index

Date: 06-Jan-99
Poet: 'Shad' Azeemabadi

Shad Azeemabadi's real name was Syed Ali Mohammed. 
He was born in 1846 in Azeemabad, Patna and passed 
away in 1927 in Patna. His works include Naghm-e-Ilham 
and Ilhmat-e-Shad


tamannaao.n me.n ulajhaayaa gayaa huu.N
khilaune deke bahalaayaa gayaa huu.N

huu.N is kuuche me.n har zarre se aagaah
idhar se muddato.n aayaa gayaa huu.N

[aagaah = known/acquainted with]

dil-e-muztar se puuchh ai raunaq-e-bazm
mai.n Khud aayaa nahii.n laayaa gayaa huu.N

[dil-e-muztar = impatient heart]

saveraa hai bahut ai shor-e-mahashar
abhii bekaar uThavaayaa gayaa huu.N

[mahashar = Day of Judgement]

lahd me.n kyuu.N na jaauu.N muu.Nh chhupaaye
bharii mahafil se uThavaayaa gayaa huu.N

[lahd = grave]

kujaa mai.n aur kujaa ai "Shad" duniyaa
kahaa.N se kis jagah laayaa gayaa huu.N

[kujaa = where]