Mehfil-e-Gazal #323

Home | October '99 Index



Date: 16-Nov-99
Poet: Majaz

'Ta'arruf' (Introduction)

Khuub pahachaan lo "Asrar" huu.N mai.n 
jins-e-ulfat kaa talab-gaar huu.N mai.n 

[asrar = secret (was also Majaz's name "Asrar ul Haq"]
[jins = species/kind]

ishq hii ishq hai duniyaa merii 
fitanaa-e-aql se bezaar huu.N mai.n 

[fitanaa = mischief; aql = intelligence; bezaar = displeased with]

chhe.Datii hai jise mizaraab-e-alam 
saaz-e-fitarat kaa vahii taar huu.N mai.n 

[mizaraab = fiddle stick; fitarat = nature]

aib jo haafiiz-o-Khayyaam me.n thaa 
haa.N kuchh is kaa bhii gunahagaar huu.N mai.n 

[aib = fault]

zi.ndagii kyaa hai gunaah-e-aadam 
zi.ndagii hai to gunahagaar huu.N mai.n 

merii baato.n me.n masiihaa_ii hai 
log kahate hai.n ki biimaar huu.N mai.n 

[masiihaa_ii = miraculous healing powers]

ek lapakataa huaa sholaa huu.N mai.n 
ek chalatii hu_ii talavaar huu.N mai.n 





Home | November '99 Index