Home | April 2000 Index

Date: 2-Apr-2000
Poet: Parveen Shakir

terii Khushbuu kaa pataa karatii hai 
mujh pe ehasaan havaa karatii hai 

shab kii tanhaaii me.n ab to aksar 
guftaguu tujh se rahaa karatii hai 

[shab = night; guftaguu = conversation]

dil ko us raah pe chalanaa hii nahii.n 
jo mujhe tujh se judaa karatii hai 

zi.ndagii merii thii lekin ab to 
tere kahane me.n rahaa karatii hai 

us ne dekhaa hii nahii.n varnaa ye aa.Nkh 
dil kaa ahavaal kahaa karatii hai 

[ahavaal = condition/state]

shaam pa.Date hii kisii shaKhs kii yaad 
kuuchaa-e-jaa.N me.n sadaa karatii hai 

[shaKhs = person; kuuchaa = street/lane; sadaa = call]

mujh se bhii us kaa hai vaisaa hii suluuk 
haal jo teraa anaa karatii hai 

[suluuk = conduct/behaviour; anaa = self/ego]

dukh huaa karataa hai kuchh aur bayaa.N 
baat kuchh aur huaa karatii hai 

[bayaa.N = state/declare]

abr barase to inaayat us kii 
shaaKh to sirf duaa karatii hai 

[abr = cloud; inaayat = favour/kindness; shaaKh = branch]

masalaa jab bhii uThaa chiraaGo.n kaa 
faisalaa sirf havaa karatii hai 

[masalaa = problem; faisalaa = decision]


-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------