Meg Index | December 2000 Index

Date: 19-Dec-2000
Poet: Faiz Ahmed Faiz


tum aaye ho na shab-e-intazaar guzarii hai 
talaash me.n hai sahar baar baar guzarii hai 

junuu.N me.n jitanii bhii guzarii bakaar guzarii hai 
agarche dil pe Kharaabii hazaar guzarii hai 

hu_ii hai hazarat-e-naaseh se guftaguu jis shab 
vo shab zaruur sar-e-kuu-e-yaar guzarii hai 

[sar-e-kuu-e-yaar = in the street of the beloved]

vo baat saare fasaane me.n jisakaa zikr na thaa 
vo baat un ko bahut naa_gavaar guzarii hai 

na gul khile hai.n na un se mile na mai pii hai 
ajiib rang me.n ab ke bahaar guzarii hai 

chaman me.n Gaarat-e-gul_chii.n se jaane kyaa guzarii 
qafas se aaj sabaa beqaraar guzarii hai 

[Gaarat-e-gul_chii.n = plunder or destruction wrought by flower-picker(gardener)]
[qafas = cage]