sar jo mahafuuz ho.n unake, to ridaa bhii maa.Nge.n
Meraj Faizabadi
sar jo mahafuuz ho.n unake, to ridaa bhii maa.Nge.n
haath uThaane kii sakat ho to duaa bhii maa.Nge.n
abhii zaKhmo.n kii numaa_ish kaa hai i.nsaan kaa vajuud
jism ko jism banaale.n to qaabaa bhii maa.Nge.n
ai ke tu tiiragii-e-shab, ke hamarii umiid
koii dahaliiz ataa kar to diyaa bhii maa.Nge.n
maut se bhii koii umiid nahii.n hai "Meraj"
ham jo zi.ndaa ho.n to marane kii duaa bhii maa.Nge.n