Home | Index of Poets Afzal Minhas

karb ke shahar se nikale to ye manzar dekhaa


karb ke shahar se nikale to ye manzar dekhaa 
ham ko logo.n ne bulaayaa hame.n chhuu kar dekhaa 

[karb=vexation/anguish] 

jab bhii chaahaa hai ki malabuus-e-vafaa ko chhuu le.n 
misl Khushbuu ko_ii u.Dataa huaa paikar dekhaa 

[malabuus=garment; misl=like/example; paikar=form] 

vo barasaat me.n bhiigaa to nigaahe.n uTThii.n 
yo.n lagaa hai ko_ii tarshaa huaa patthar dekhaa 

zindagii kitanii pareshaa.N hai ye sochaa bhii na thaa 
is ke ataraaf me.n sholo.n kaa sama.ndar dekhaa 

[ataraaf=all around] 

aa ga_ii Gam kii havaa phir tere gesuu chhuukar 
hamane viiraanaa-e-dil phir se mu'attar dekhaa 

[gesuu=hair; mu'attar=fragrant/filled with perfume] 

vo jo u.Datii hai sadaa dasht-e-vafaa me.n "Afzal" 
usii miTTii me.n nihaa.N dard kaa gauhar dekhaa 

[dasht=desert/wilderness; nihaa.N=hidden/buried; gauhar=pearl] 

Home | Index of Poets Afzal Minhas
Maintained by Nita Awatramani
URL: http://www.urdupoetry.com
Last updated on: 30th April, 2001