Contributed by Yogesh Sethi


chaman me.n rang-e-bahaar utaraa to mai.n ne dekhaa
Munir Niazi

chaman me.n rang-e-bahaar utaraa to mai.n ne dekhaa
nazar se dil kaa Gubaar utaraa to mai.n ne dekhaa

mai.n niim shab aazamaa ke hasarat ko dekhataa thaa
chaman me.n vo husn zaar utaraa to mai.n ne dekhaa

Khumaar mai thii vo cheharaa kuchh aur lag rahaa thaa
Dam-e-sahar jab Khumaar utaraa to mai.n ne dekhaa

galii ke baahar tamaam ma.nzil badal gaye the
jo saayaa ek kuu-e-yaar utaraa to mai.n ne dekhaa

ik aur dariyaa kaa saamanaa thaa 'Munir' mujh ko
mai.n ek dariyaa ke paar utaraa to mai.n ne dekhaa

Home | Index of Poets


Last updated on 30th March, 1998