naavak a.ndaaz jidhar diidaa-e-jaanaa.N ho.nge
Momin Khan Momin
naavak a.ndaaz jidhar diidaa-e-jaanaa.N ho.nge
niim-bismil ka_ii ho.nge ka_ii bejaa.N ho.nge
taab-e-nazaaraa nahii.n aa_iinaa kyaa dekhane duu.N
aur ban jaaye.nge tasviir jo hairaa.N ho.nge
tuu kahaa.N jaayegii kuchh apanaa Thikaanaa kar le
ham to kal Khvaab-e-adam me.n shab-e-hijaraa.N ho.nge
phir bahaar aa_ii vahii dasht-e-naavardii hogii
phir vahii paao.n vahii Khaar-e-muGelaa.N ho.nge
naasihaa dil me.n tuu itanaa to samajh apane ke ham
laakh naadaa.N huye kyaa tujh se bhii naadaa.N ho.nge
ek ham hai.n ke huye aise pashemaa.N ke bas
ek vo hai.n ke ji.nhe.n chaah ke armaa.N ho.nge
minnat-e-hazarat-e-isaa na uThaaye.Nge kabhii
zindagii ke liye sharmi.ndaa-e-ehasaa.N ho.nge
umr to saarii kaTii ishq-e-butaa.N me.n "Momin"
ab aaKhirii vaqt me.n kyaa Khaak musalamaa.N ho.nge