Home | Index of Poets Musavvir Sabzwari

jism apanaa hai ko_ii aur na saayaa apanaa


jism apanaa hai ko_ii aur na saayaa apanaa
jaane is ziist me.n hai kaun saa rishtaa apanaa

[ziist = life]

tuune kis mo.D pe chho.Daa thaa mujhe umr-e-ravaa.N
tak rahaa huu.N ka_ii sadiyo.n se mai.n rastaa apanaa

[umr-e-ravaa.N = past life]

ham rahe bhii to badalate hue mausam kii tarah
terii aa.Nkho.n me.n ko_ii aks na Thaharaa apanaa

[aks = reflection]

ik teraa Gam thaa ba_har_rang jo shaadaab rahaa
is shajar ne giraayaa ko_ii pattaa apanaa

[ba_har_rang = in every colour; shaadaab = green (fresh)]
[shajar = tree; 

kitane asanaam taraashe hai.n terii suurat ke
jhaa.Nk kar dekh zaraa mujh se saraapaa apanaa

[asanaam = plural of 'sanam' (idol); saraapaa = head to toe]

Home | Index of Poets Musavvir Sabzwari
Maintained by Nita Awatramani
URL: http://www.urdupoetry.com
Last updated on: 9th July, 2002