ye i.ntazaar Galat hai ki shaam ho jaaye
Naresh Kumar Shad
ye i.ntazaar Galat hai ki shaam ho jaaye
jo ho sake to abhii daur-e-jaam ho jaaye
Khudaa-na Khvaastaa piine lage jo vaa_iz bhii
hamaare vaaste piina haraam ho jaaye
mujh jaise ri.nd ko bhii tuu ne hashr me.n yaa rab
bulaa liyaa hai to kuchh intazaam ho jaaye
vo sahan-e-baaG me.n aaye hai.n may-kashii ke liye
Khudaa kare ke har ik phuul jaam ho jaaye
mujhe pasand nahii.n is pe gaam-zan honaa
vo rah-guzar jo guzar-gaah-e-aam ho jaaye