Home | Index of Poets Pirzada Qasim

tumhe.n jafaa se na yuu.N baaz aanaa chaahiye thaa


tumhe.n jafaa se na yuu.N baaz aanaa chaahiye thaa 
abhii kuchh aur meraa dil dukhaanaa chaahiye thaa

taviil raat ke pahaluu me.n kab se so_ii hai 
naviid-e-subah tujhe jaag jaanaa chaahiye thaa

bahut qallaaq huaa hairat Gaziidaa tuufaa.N ko 
ke kaun Duube ki.nhe.n Duub jaanaa chaahiye thaa

bujhe chiraaGo.n me.n kitane hai.n jo jale hii nahii.n  
savaad-e-vaqt i.nhe.n jagamagaanaa chaahiye thaa

ajab na thaa ke qafas saath leke u.D jaate 
ta.Dapanaa chaahiye thaa pha.Dapha.Dhaanaa chaahiye thaa

ye merii haar ke kaar-e-jaanaa.N se haaraa magar 
bichha.Dane vaale tujhe yaad aanaa chaahiye thaa

tamaan umr kii aasurdagii-e-vasl ke baad 
firaaq aaKhirii dhokaa thaa khaanaa chaahiye thaa

Contributed by Anwar Ansari

Home | Index of Poets Pirzada Qasim
Maintained by Nita Awatramani
URL: http://www.urdupoetry.com
Last updated on: 4th July, 2001