yaad kyaa dast-e-hunar hai ki sa.Nvarataa gayaa mai.n

yaad kyaa dast-e-hunar hai ki sa.Nvarataa gayaa mai.n
us ko sochaa to use yaad hii karataa gayaa mai.n

[hunar = skill]

is ko tahaziib-e-junuu.N kahiye ki mujh se pahale
jaise bikhare hai.n sabhii log bikharataa gayaa mai.n

naqsh kitane the ki maaduum hue sil_silaavaar
aur har naqsh ke pahaluu se ubharataa gayaa mai.n

[maaduum = extinct] 

ek tasviir banaa_ii thii mukammal na hu_ii
ek hii rang lahuu rang thaa bharataa gayaa mai.n

[mukammal = complete]

harf-e-ikraar hii kahataa rahaa beKhaufii se
yaanii inkaar ke aashob se Darataa gayaa mai.n

[beKhaufii = without fear; aashob = disturbance]

apane andar ke talaatum ne rakkhaa hai aabaad
Khud hii ikraar kiyaa Khud hii mukarataa gayaa mai.n

[talaatum = upsurge of waves in water/flood]

har nafas ba.Dhataa gayaa us kii tamannaa kaa Kharosh
lamhaa lamhaa isii vahashat me.n nikharataa gayaa mai.n

[Kharosh = wail/plaintive cry]

zindagii kuu-e-malaamat hai ko_ii kyaa Thahare
apanii hii vazaa kaa mai.n huu.N so Thaharataa gayaa mai.n

[malaamat = rebuke/reproach]