mashq-e-sitam faramaate rahiye
Saeed Shahidi

mashq-e-sitam faramaate rahiye
yuu.N hii mujhe ta.Dapaate rahiye

pyaaso.n ko tarasaate rahiye
jaam yuu.N hii chhalakaate rahiye

qadamo.n me.n aa jaayegaa saahil
tuufaa.N se Takaraate rahiye

nazme.n jahaa.N ulajhe to ulajhe
zulfo.n ko sulajhaate rahiye

fasl-e-bahaaraa.N ruuTh naa jaaye
sahan-e-chaman me.n aate rahiye

Home | Index of Poets


Last updated on 15th February, 1998