mere ham-nafas, mere ham-navaa, mujhe dost banake daGaa na de
Shakeel Badayuni

mere ham-nafas, mere ham-navaa, mujhe dost banake daGaa na de
mai.n huu.N dard-e-ishq se jaa.N_valab, mujhe zindagii kii duaa na de

[jaa.N_valab=death, dead]

mere daaG-e-dil se hai raushanii, usii raushanii se hai zindagii
mujhe Dar hai aye mere chaaraagar, ye charaaG tuu hii bujhaa na de

[chaaraagar=physician]

mujhe chho.D de mere haal par, teraa kyaa bharosaa hai chaaraagar
ye terii nawaazish-e-muKhtasar, meraa dard aur ba.Daa na de

[muKhtasar=brief]

meraa azm itanaa bala.nd hai ke paraaye sholo.n kaa Dar nahii.n
mujhe Khauf aatish-e-gul se hai, ye kahii.n chaman ko jalaa na de

[sholo.n=balls of fire; aatish=fire]

wo uThe hai.n leke hom-o-subuu, arey o 'Shakeel' kahaa.N hai tuu
teraa jaam lene ko bazm me.n koii aur haath ba.Daa na de

[hom=burnt offering; subu=wine cup]

Home | Index of Poets


Last updated on 19th December, 1997