ruuh ko ta.Dapaa rahii hai un kii yaad
Shakeel Badayuni
ruuh ko ta.Dapaa rahii hai un kii yaad
dard ban kar chhaa rahii hai un kii yaad
[ruuh=soul]
ishq se ghabaraa rahii hai un kii yaad
rukate rukate aa rahii hai un kii yaad
vo ha.Nse vo zer-e-lab kuchh kah uThe
Khvaab se dikhalaa rahii hai un kii yaad
[zer-e-lab=in a whisper/undertone]
mai.n to Khuddaarii kaa qaa_il huu.N magar
kyaa karuu.N phir aa rahii hai un kii yaad
[Khuddaarii=self-respect; qaa_il=in favour of/have faith in]
ab Khayaal-e-tark-e-rabt zabt hii se hai
Khud ba Khud sharmaa rahii hai un kii yaad
[Khayaal-e-tark=Thought of giving up; rabt=affinity]
[zabt=tolerance; Khud-ba-Khud=by itself (apane aap)]