tay ho.nge kis tarah ye maraahil kahaa na jaa_e
Shehzad Ahmed

tay ho.nge kis tarah ye maraahil kahaa na jaa_e
is tiiragii me.n kyaa hai muqaabil kahaa na jaa_e

[maraahil=obstacles; tiiragii=darkness; muqaabil=in front]

Khud de diye hai.n mai.n ne use haath kaaT kar
vo likh diyaa hai jo sar-e-mahafil kahaa na jaa_e

[sar-e-mahafil=in a gathering]

patthar hue vo lafz ke the jiite jaagate
is Khaamashii se kyaa huaa haasil kahaa na jaa_e

[Khaamashii=silence; haasil=gain]

ab tak to chal rahe.n hai.n tere saath saath ham
aaye.ngii kis jagah had-e-faasil kahaa na jaa_e

[had-e-faasil=boundary that separates]

nashaa hai yaa ke zahar fizaa me.n milaa huaa
kuchh hai har ek chiiz me.n shaamil kahaa na jaa_e

[fizaa=environment/air; shaamil=included]

aaKhir kahii.n to baiTh gaye paa.Nv to.D kar
phir kyaa kahe.nge agar ise manzil kahaa na jaa_e

ye aur baat kuchh bhii dikhaa_ii na de sake
aa.Nkhe.n khulii hu_ii ho.n to Gaafil kahaa na jaa_e

[Gaafil=unaware]

Home | Index of Poets


Last updated on 12th September, 2000