Home | Index of Poets Akhtar Shirani

mai.n aarazuu-e-jaa.N likhuu.N yaa jaan-e-aarazuu


mai.n aarazuu-e-jaa.N likhuu.N yaa jaan-e-aarazuu 
tuu hii bataade naaz se iimaan-e-aarazuu 

iimaan-o-jaan nisaar terii ik nigaah par 
tuu jaan-e-aarazuu hai tuu iimaan-e-aarazuu 

ik vo ke aarazuuo.n pe jiite hai.n umr bhar 
ik ham ke hai.n abhii se pashemaan-e-aarazuu 

aa.Nkho.n se juu-e-Khuu.N hai ravaa.N dil hai daaG daaG 
dekhe ko_ii bahaar-e-gulistaan-e-aarazuu 

Home | Index of Poets Akhtar Shirani
Maintained by Nita Awatramani
URL: http://www.urdupoetry.com
Last updated on: 4th January, 2003