Home | Index of Singers Begum Akhtar Page

jab bhii nazm-e-maikadaa badalaa gayaa
Fana Nizami Kanpuri


jab bhii nazm-e-maikadaa badalaa gayaa
ek na ek jaam-e-hasii.n to.Daa gayaa

jab safiinaa mauj se takaraa gayaa
naaKhudaa ko bhii Khudaa yaad aa gayaa

[safiinaa = boat; naakhudaa = oarsman/boatsman] 

mai.n ne chhe.Daa qissaa-e-jaur-e-falak
jaane kyuu.N un ko pasiinaa aa gayaa

[jaur = oppression] 

dekh kar un kii jafaao.n kaa Khuluus
mai.n vafaa ke naam par sharmaa gayaa

[jafaa = infidelity/unfaithfulness]

aap ab aaye.n hai.n aa.Nsuu po.nchhane
jab mere daaman pe dhabbaa aa gayaa

Available in Album(s):
Golden Collection
Golden Moments Vol 3

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001