laa_ii hayaat aaye qazaa le chalii chale
Ibrahim Zauq

laa_ii hayaat aaye qazaa le chalii chale
na apanii Khushii aaye na apanii Khushii chale

[qazaa = death]

bahatar to hai yahii ke na duniyaaa se dil lage
par kyaa kare.n jo kaam na be_dillagii chale

ho umr-e-Khizr bhii to kahe.nge baa_vaqt-e-marg
ham kyaa rahe yahaa.N abhii aaye abhii chale

[Khizr = one with long life/immortal; baa_waqt-e-marg = at the time of death ]

duniyaa ne kis kaa raah-e-fanaa me.n diyaa hai saath
tum bhii chale chalo yuu.N hii jab tak chalii chale

[fanaa = destruction/end]

naazaa.N na ho Khird pe jo honaa hai vo hii ho
daanish terii na kuchh merii daanish_varii chale

[naazaa.N hona = to be proud; Khird = wisdom; daanish = intellect] 

kam ho.nge is bisaat pe ham jaise bad_qimaar
jo chaal ham chale vo nihaayat burii chale

[bad_qimaar = jinxed/one with bad luck] 

jaate havaa-e-shauq me.n hai.n is chaman se 'Zauq'
apanii balaa se baad-e-sabaa kabhii chale

[baad = wind]