Home | Index of Singers Begum Akhtar Page

zindagii kaa dard lekar inqalaab aayaa to kyaa
Shakeel Badayuni


zindagii kaa dard lekar inqalaab aayaa to kyaa
ek joshiidaa pe Gurbat me.n shabaab aayaa to kyaa

ab to aa.Nkho.n par Gam-e-hastii ke parde pa.D gaye
ab ko_ii husn-e-mujassim be_naqaab aayaa to kyaa

[mujassim = embodied, corporeal]

Khud chale aate to shaayad baat ban jaatii ko_ii
baad tark-e-aashiqii Khat kaa javaab aayaa to kyaa

muddato.n bichha.De rahe phir bhii gale to mil liye
ham ko sharm aa_ii to kyaa un ko hijaab aayaa to kyaa

ek tajallii se munavvar kiijiye qatl-e-hayaat
har tajallii par dil-e-Khaanaa_Kharaab aayaa to kyaa

matalaa-e-hastii kii saazish dekhate ham bhii 'Shakeel'
ham ko jab niind aa ga_ii phir maahataab aayaa to kyaa

[matalaa = horizon; maahataab = moon]

Available in Album(s):
Golden Collection
Golden Moments Vol 3

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001