taskii.n ko ham na roye.n jo zauq-e-nazar mile
Mirza Ghalib

taskii.n ko ham na roye.n jo zauq-e-nazar mile 
huraan-e-Khuld me.n terii suurat magar mile 

apanii galii me.n mujh ko na kar dafan baad-e-qatl 
mere pate se Khalq ko kyo.n teraa ghar mile 

tum ko bhii ham dikhaaye.nge majanuu.N ne kyaa kiyaa 
fursat kashaakash-e-Gam-e-pinhaa.N se gar mile 

ai saakanaan-e-kuchaa-e-dil_daar dekhanaa 
tum ko kahii.n jo Ghalib-e-aashuftaa sar mile