Home | Index of Singers Begum Akhtar Page

abhii josh-e-bahaaraa.N dekhanaa hai
Saeed Shahidi


abhii josh-e-bahaaraa.N dekhanaa hai 
garebaa.N ko garebaa.N dekhanaa hai 

a.Ndhere ko kaleje se lagaa le 
agar jashn-e-charaagaa.N dekhanaa hai 

na dekhaa jaayegaa jalataa nasheman 
magar taa hadd-e-imkaa.N dekhanaa hai 

ataa kar us ko yaa rab daulat-e-Gam 
agar insaa.N ko insaa.N dekhanaa hai 

'Saeed' fasl-e-gul jo Khizaa.N ho 
baa har suurat gulistaa.N dekhanaa hai 

Available in Album(s):
Rare Gems

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001