na ga.Nvaao naavak-e-niim-kash
Faiz Ahmed Faiz

na ga.Nvaao naavak-e-niim-kash, dil-e-rezaa-rezaa ga.Nvaa diyaa 
jo bache hai.n sang sameT lo, tan-e-daaG-daaG luTaa diyaa 

[ga.Nvaanaa = to waste; naavak = arrow; niim-kash = half-drawn]
[rezaa-rezaa = pieces; sang = stone; sameTanaa = to gather]

mere chaaraagar ko naviid ho, saf-e-dushmanaa ko Khabar karo 
vo jo qarz rakhate the jaan par, vo hisaab aaj chukaa diyaa 

[chaaraagar = healer; naviid = good news]
[saf-e-dushmanaa = enemy ranks; qarz = debt]

karo kaj jabii.n pe sar-e-kafan, mere qaatilo.n ko gumaa.N na ho 
ki Guruur-e-ishq kaa baa.Nkapan, pas-e-marg ham ne bhulaa diyaa 

[kaj = crooked; jabii.n = forehead; gumaa.N = doubt; pas-e-marg = 
after death]

jo ruke to koh-e-garaa.N the ham, jo chale to jaa.N se guzar gaye 
rah-e-yaar ham ne qadam qadam, tujhe yaadagaar banaa diyaa 

[koh-e-garaa.N = large mountain]