Home | Index of Singers Habib Wali Mohammed Page

raah-e-talab me.n kaun kisii kaa apane bhii begaane hai.n
Asrar Narvi


raah-e-talab me.n kaun kisii kaa apane bhii begaane hai.n 
chaa.Nd se mukha.De rashk-e-Gizaalaa sab jaane pahachaane hai.n 

tanhaa_ii hii tanhaa_ii hai kaise kahe.n kaise samajhaaye.n 
chashm-o-lab-o-ruKhsaar kii tah me.n ruuho.n ke viiraane hai.n 

uff ye talaash-e-husn-o-haqiiqat kis jaa Thahare jaaye kahaa.N 
sahan-e-chaman me.n phuul khile hai.n saharaa me.n diivaane hai.n 

dil aaKhir thak haar ke yaaro.n ham ne bhii tasliim kiyaa 
apanii zaat se ishq hai sachchaa baaqii sab afasaane hai.n 

Available in Album(s):
Ghazals and Geets (private recording)

Home | Index of Singers Habib Wali Mohammed Page
Maintained by Nita Awatramani
URL: http://www.ghazalsingers.com
Last updated on: 20th June, 2001