Home | Index of Singers Habib Wali Mohammed Page

lagataa nahii.n hai jii meraa uja.De dayaar me.n
Bahadur Shah Zafar


lagataa nahii.n hai jii meraa uja.De dayaar me.n 
kis kii banii hai aalam-e-naa_paayedaar me.n 

ham ko hai baaG_baa.N se na sayyaad se gilaa 
qismat me.n qaid thii likhii fasl-e-bahaar me.n 

kah do in hasarato.n se kahii.n aur jaa base.n 
itanii jagah kahaa.N hai dil-e-daaG_daar me.n 

umr-e-daraaz maa.Ng kar laaye the chaar din 
do aarazuu me.n kaT gaye do intazaar me.n 

kitanaa hai badanasiib 'Zafar' dafn ke liye 
do gaz zamiin bhii na milii kuu-e-yaar me.n 

Available in Album(s):
Ghazals and Geets (private recording)
Melodies of Habib Wali Mohammed
Meri Pasand

Home | Index of Singers Habib Wali Mohammed Page
Maintained by Nita Awatramani
URL: http://www.ghazalsingers.com
Last updated on: 20th June, 2001