Home | Index of Singers Habib Wali Mohammed Page

na kisii kii aa.Nkh kaa nuur huu.N
Bahadur Shah Zafar


na kisii kii aa.Nkh kaa nuur huu.N na kisii ke dil kaa qaraar huu.N 
jo kisii ke kaam na aa sake mai.n vo ek musht-e-Gubaar huu.N 

na to mai.n kisii kaa habiib huu.N na to mai.n kisii kaa raqiib huu.N 
jo biga.D gayaa vo nasiib huu.N jo uja.D gayaa vo dayaar huu.N 

meraa rang-ruup biga.D gayaa meraa yaar mujh se bichha.D gayaa 
jo chaman fizaa.N me.n uja.D gayaa mai.n usii kii fasl-e-bahaar huu.N 

pa-e-faatehaa ko_ii aaye kyuu.N ko_ii chaar phuul cha.Dhaaye kyuu.N 
ko_ii aake shammaa jalaaye kyuu.N mai.n vo bekasii kaa mazaar huu.N 

mai.n nahii.n huu.N jaa.N_fizaa.N mujhe sun ke ko_ii karegaa kyaa 
mai.n ba.De barog kii huu.N sadaa main ba.De dukh kii pukaar huu.N 

Available in Album(s):
Melodies of Habib Wali Mohammed
Meri Pasand

Home | Index of Singers Habib Wali Mohammed Page
Maintained by Nita Awatramani
URL: http://www.ghazalsingers.com
Last updated on: 20th June, 2001