din guzar gayaa aitabaar me.n
Fana Nizami Kanpuri / Faiz Ahmed Faiz

din guzar gayaa aitabaar me.n
raat kaT gayii intazaar me.n

vo mazaa kahaa.N vasl-e-yaar me.n
lutf jo milaa intazaar me.n

unakii ik nazar kaam kar gaii
hosh ab kahaa.N hoshiyaar me.n

mere kabz me.n aaiinaa to hai
mai.n huu.N aap ke iKhtiyaar me.n

aa.Nkh to uThii phuul kii taraf
dil ulajh gayaa husn-Khaar me.n

tumase kyaa kahe.n, kitane Gam sahe
ham ne be-vafaa tere pyaar me.n

fikr-e-aashiyaa.N har Khizaam kii
aashiyaa.N jalaa har bahaar me.n

kis tarah ye Gam bhuul jaaye ham
vo judaa huaa is bahaar me.n