dost ban ban ke mile mujhako miTaanevaale
Saeed Rahi

dost ban ban ke mile mujhako miTaanevaale
mai.n ne dekhe hai.n kaii ra.ng badalanevaale

tumane chup rahakar sitam aur bhii Dhaayaa mujh par
tumase achchhe hai.n mere haal pe ha.Nsanevaale

mai.n to iKhalaaq ke haatho.n hii bikaa karataa huu.N
aur ho.nge tere baazaar me.n bikanevaale

aaKharii daur pe salaam-e-dil-e-muztar le lo
phir naa lauTe.nge shab-e-hijr pe ronevaale