Home | Index of Singers Jagjit_Chitra Page

shaharo.n shaharo.n aaj hai tanhaa dil par gaharaa daaG liye
Krishan Adeeb

shaharo.n shaharo.n aaj hai tanhaa dil par gaharaa daaG liye
galiyo.n galiyo.n ho gaye rusvaa dil par gaharaa daaG liye

aaj gulistaa.N me.n phailii hai Khushbuu terii yaado.N kii
mausam-e-gul hai ham hai.n tanhaa dil par gaharaa daaG liye

rote-dhote jii ko jalaate manzil-e-shab tak aa pahu.Nche
chehare par hai gard-e-tamannaa dil par gaharaa daaG liye

Dhuu.NDhane un ko shahar-e-butaa.N me.n aaj gaye the ham bhii "Adeeb"
aa.Nkh me.n lekar Gam kaa dariyaa dil par gaharaa daaG liye

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000