hazaaro.n Khvaahishe.n aisii ki har Khvaahish pe dam nikale
Mirza Ghalib

hazaaro.n Khvaahishe.n aisii ki har Khvaahish pe dam nikale 
bahut nikale mere armaa.N lekin phir bhii kam nikale 

nikalanaa Khuld se aadam kaa sunate aaye the lekin 
bahut be-aabaruu ho kar tere kuuche se ham nikale 

[Khuld=Paradise; be-aabaruu=disgrace; kuuchaa=street] 

muhabbat me.n nahii.n hai farq jiine aur marane kaa 
usii ko dekh kar jiite hai.n jis kaafir pe dam nikale

Khudaa ke vaaste pardaa na kaabe se uThaa zaalim 
Kahii.n aisaa na ho yaa.N bhii vahii kaafir sanam nikale 

kahaa.N maiKhaane ka daravaazaa 'Ghalib' aur kahaa.N vaa_iz 
par itanaa jaanate hai.n kal vo jaataa thaa ke ham nikale 

[vaa_iz=preacher]